بہاولپور: یوریا کھاد سے لدی مال گاڑی کی 6 بوگیاں پٹڑی سے اتر گئیں
بہاولپور (نامہ نگار) بہاولپور سے تقریباً 30 کلومیٹر دور کلانچ والا کے قریب مال گاڑی پٹڑی سے اتر گئی۔ حادثے میں مال گاڑی کی 6 بوگیاں الٹ گئیں۔ یہ مال گاڑی سندھ سے پنجاب کی جانب آرہی تھی۔ مال گاڑی پر یوریا کھاد کی بوریاں لوڈ تھیں۔ مال گاڑی کی مبینہ بریک فیل ہونے کے باعث ٹرین ڈرائیور ٹریک سے گاڑی کو نیچے اتارا۔ مال گاڑی کو بریک فیل ہونے کے باعث بڑے حادثے سے بچائو کی خاطر غیرآباد علاقے میں ٹریک سے اتارا گیا۔ حادثے کے مقام پر کراچی سے آنے والی ریلوے ٹرینوں کو اپ ٹریک پر منتقل کیا گیا۔ جائے وقوعہ پر ریلوے کی بھاری مشینری موقع پر پہنچ گئی۔ الٹ جانے والی مال گاڑی کی بوگیوں کو ٹریک سے ہٹانے کیلئے آپریشن جاری ہے۔
