ایشین چیمپئنز ٹرافی سے قبل کھلاڑیوں کو تمام واجبات ادا کرینگے : خالد سجاد کھوکھر
لاہور(سپورٹس رپورٹر)پاکستان ہاکی فیڈریشن نے جونیئر ایشیا کپ میں سلور میڈل حاصل کرنے والے کھلاڑیوں کو ڈیلی الائونس جاری کردیئے۔پاکستان ہاکی فیڈریشن کے زیراہتمام پاکستان سپورٹس بورڈ کی جانب سے جاری کی گئی گرانٹ کو کھلاڑیوں کے مابین تقسیم کیے جانے کی تقریب پی ایچ ایف ہیڈ کواٹرز لاہور میں ہوئی۔صدر پی ایچ ایف برگیڈیئر ر خالد سجاد کھوکھر نے کھلاڑیوں کے مابین ڈیلی الائونسز تقسیم کئے ۔انہوں نے کہا کہ جونیئر ایشیا کپ میں سلور میڈل لانیوالی پاکستان جونیئر ہاکی ٹیم نے بہترین کارکردگی کا مظاہرہ کیا۔کھلاڑیوں کی ایشین چیمپینز ٹرافی کیلئے روانگی سے قبل ہر صورت یقینی بنانے کے احکامات جاری کردیئے ہیں۔
