لاہور(سپورٹس رپورٹر ) فیفا ورلڈکپ 2026 کے ایشین کوالیفائرز میں پاکستان ٹیم پہلے مرحلے میں کمبوڈیا کے مقابل ہوگی۔ فٹبال کی عالمی تنظیم فیفا کی جانب سے جاری کردہ اعلامیے میں بتایا گیا ہے کہ پہلے رانڈ میں آج 20 ٹیمیں ایک دوسرے کے مدمقابل آئیں گی، جس میں 10ٹیموں کو دوسرے راونڈ میں رسائی ملے گی۔ فیفا رینکنگ کی بنیاد پر 26ٹیمیں پہلے ہی رائونڈ 2 میں پہنچ چکی ہیں، جن کے میچز 12اور 17اکتوبر کو ہوم اور اوے کی بنیاد پر ہوں گے۔