لاہور(سپورٹس رپورٹر)پاکستان فٹبال فیڈریشن نے طویل کیمپ کیلئے 50 کھلاڑیوں کو شارٹ لسٹ کرلیا۔ساف انڈر 16 چیمپئن شپ کی تیاری کیلئے پاکستان ٹیم کا کیمپ ایبٹ آباد میں لگے گا جس کیلئے پاکستان فٹبال فیڈریشن نے 50 کھلاڑیوں کو شارٹ لسٹ کیا ہے۔پی ایف ایف کے مطابق کھلاڑیوں کو ملک بھر میں ریجنل انڈر 16 ٹرائلز سے منتخب کیا گیا تھا، ریجنل ٹرائلز میں 200  باصلاحیت بچوں کی نشاندہی ہوئی اور ان 200 میں سے 50 بچوں کو ایبٹ آباد بلایا گیا ہے۔