لاہور(سپورٹس رپورٹر)ازبکستان میں جاری ایشین انڈر 16 والی بال چیمپئن شپ میں پاکستان نے تھائی لینڈ کو آئوٹ کلاس کرتے ہوئے مسلسل چوتھا میچ جیت لیا۔ تاشقند میں جاری سپر 8 مرحلے کے دوسرے میچ میں پاکستان انڈر 16 والی بال ٹیم تھائی لینڈ انڈر 16 کیخلاف پوری طرح چھائی رہی اور 0-3 سے کامیابی حاصل کی۔پاکستان کی کامیابی کا اسکور 9-25، 16-25 اور 19-25 رہا۔ یہ ٹورنامنٹ میں پاکستان کی مسلسل چوتھی کامیابی ہے۔ اس سے قبل سپر 8 کے پہلے میچ میں پاکستان نے آسٹریلیا کو بھی 0-3 سے ہرایا تھا۔ پہلے رائونڈ میں پاکستان نے چائنیز تائپے اور منگولیا کو ہرایا تھا۔سیمی فائنل آج جمعہ کو کھیلا جائیگا۔