کامونکی(نمائندہ خصوصی) تیز رفتار ٹرک کی ٹکر سے نوجوان جاں بحق جبکہ دوخواتین سمیت چھ افراد شدید زخمی ہوگئے۔ گزشتہ رات لاہور سے آنے والے تیز رفتار ٹرک نے جی ٹی روڈبھولا پیر سٹاپ کے قریب کھڑے راہگیروں کو کچل ڈالا، حادثے کے نتیجے میں عبداللہ روڈ کا اٹھارہ سالہ رضوان زخموں کی تاب نہ لاتے ہوئے موقع پر ہی دم توڑ گیا جبکہ محلہ سلامت پورہ کی آمنہ،عبداللہ روڈ کی رشیداں، تنویر، ہارون علی، تعظیم اور محلہ دولت پورہ کا مزمل شدید زخمی ہو گئے، ڈرائیور ٹرک چھوڑ کرموقع سے فرار ہوگیا۔ ریسکیوعملہ نے نعش اور زخمیوں کو ہسپتال منتقل کردیاہے ،سٹی پولیس مصروف تفتیش ہے۔