لاہور(سپورٹس رپورٹر)حمزہ خان نے 23 جولائی کو میلبورن میں ہونیوالی ورلڈ جونیئر سکواش چیمپئن شپ کے فائنل میں مصر کے محمد ذکریا کو شکست دی تھی۔ورلڈ سکواش فیڈریشن نے تصدیق کی ہے کہ مصر کی سکواش فیڈریشن کی درخواست موصول ہوئی ہے جس میں حمزہ خان کی عمر کی تصدیق کرنے کا کہا گیا ہے۔ ورلڈ سکواش فیڈریشن کے مطابق کھلاڑی اپنی شہریت اور عمر کی تصدیق کیلئے ایونٹ سے قبل اپنا پاسپورٹ اور سکواش آئی ڈی نمبر جمع کراتے ہیں۔تاہم ورلڈ سکواش فیڈریشن، مصر کی جانب سے موصول ہونیوالی درخواست کی مکمل تحقیقات کریگا اور تحقیقات مکمل ہونے تک اس معاملے پر مزید کوئی بیان جاری نہیں کیا جائیگا۔