فیروز والہ( نامہ نگار)چوری اور ڈکیتی کی متعدد وارداتوں کے دوران ڈاکو لاکھوں روپے مالیت کا قیمتی سامان لوٹ کر لے گئے۔ لاہور روڈ کی آبادی کوٹ عبدالمالک میں ڈاکووں نے اعجاز احمد کے گھر داخل ہو کر اہل خانہ کو یرغمال بنا کر لاکھوں روپے مالیت کے زیورات نقدی دیگر قیمتی سامان لوٹ کر لے گئے۔ ڈاکو وں نے سکندر شبیر کو اسلحہ کی نوک پر یرغمال بن کر اس سے ہزاروں روپے نقدی اور قیمتی موبائل چھین لیا جبکہ مزاحمت کرنے پر ڈاکووں نے اس کے سر پر پسٹل کے بٹ مار کر اسے شدید زخمی کرڈالا اور موقع سے فرار ہو گئے۔رچنا ٹاؤن کے قریب ڈاکو یونس سے نقدی اور موبائل چھین کر لے گئے۔ جی ٹی روڈ پر ڈاکو ٹرک ڈرائیور سے 30 ہزار روپے کی رقم اور موبائل چھین کر لے گئے۔