قصور (نمائندہ نوائے وقت) قصور کے گردونواح میں ٹریفک کے تین مختلف حادثات میں دوافراد جاں بحق جبکہ ایک زخمی ہوگیا۔ محمد اشرف نے پولیس تھانہ میں اطلاع دی کہ میرا چک 55 کا رہائشی میرا بھتیجا 24 سالہ انیس موٹر سائیکل پر جارہا تھاکہ راستے میں کھڑے ہوئے ٹریکٹر ٹرالے سے ٹکرا گیا ہے جس کے نتیجہ میں وہ شدید زخمی ہوگیا،جسے علاج کے لیے رائیونڈ ہسپتال لے جایا گیا مگر وہ زخموں کی تاب نہ لاتے ہوئے دم توڑ گیا ہے۔ ڈھولن ہٹھاڑ کے رہائشی نے تھانہ میں اطلاع دی ہے کہ میرا بھتیجا موٹر سائیکل پر جارہا تھاکہ ڈھولن روڑ پر تیز رفتار موٹر سائیکل کی ٹکر سے گر کر زخمی ہوگیا ہے جسے علاج کے لیے ڈسٹرکٹ ہسپتال قصور لے جارہے تھے کہ زخموں کی تاب نہ لاتے ہوئے دم توڑ گیا ہے۔ فرمائش علی نے تھانہ میں اطلاع دی ہے کہ ہیڈ بلو کی کے قریب رکشہ اور کیری ڈبہ کا حادثہ ہوا جس کے نتیجہ میں کیری ڈبہ کا ڈرائیور شدید زخمی ہوگیا ۔