لاہور (نامہ نگار) اے این ایف نے لاہور ائرپورٹ پر 3 مختلف کارروائیوں کے دوران تھائی لینڈ اور دوحہ جانے والے میاں بیوی سمیت 4 مسافروں کے قبضے سے منشیات برآمد کرلی ہے۔ اینٹی نارکوٹکس فورس نے علامہ اقبال انٹرنیشنل ائرپورٹ پر تھائی لینڈ جانے والے وہاڑی کے رہائشی میاں بیوی کو گرفتار کرلیا گیا، جو تھائی ائر کی پرواز ٹی جی 346 کے ذریعے بنکاک جا رہے تھے۔ ملزموں کے پیٹ سے 46 ہیروئن بھرے کیپسول برآمد کر لئے گئے۔ دوسری کارروائی کے دوران ایک مسافر کے پیٹ سے 40 آئس بھرے کیپسول برآمد کر لئے گئے۔ بھکر کا رہائشی ملزم قطر ائر کی پرواز کیو آر 621 کے ذریعے دوحہ کے لیے روانہ ہو رہا تھا۔ تیسری کارروائی میں قطر جانے والے لاہور کے رہائشی مسافر کے ٹرالی بیگ سے 675 گرام کوکین برآمد کی گئی۔
منشیات برآمد