لاہور(سپورٹس رپورٹر)انٹرنیشنل کرکٹ کونسل نے ٹیسٹ بیٹرز اور باﺅلرز کی نئی رینکنگ جاری کر دی۔بیٹرز میں نیوزی لینڈ کے کین ولیمسن کی پہلی پوزیشن پر برقرار جبکہ انگلینڈ کے جو روٹ ایک درجے ترقی کے بعد دوسرے نمبر پر آ گئے۔آسٹریلیا کے سٹیو سمتھ 2 درجے ترقی کے بعد تیسرے نمبر پر آگئے اور بابر اعظم کی رینکنگ میں بھی 2 درجے بہتری آئی ہے وہ چوتھے نمبر پر آگئے۔آسٹریلیا کے مارنس لابوشین 3 درجے تنزلی کے بعد پانچویں اور ٹریوس ہیڈ 2 درجے تنزلی کے بعد چھٹے نمبر پر چلے گئے۔آسٹریلیا کے عثمان خواجہ ساتویں اور انگلینڈ کے ہیری بروک نویں نمبر پر آگئے جبکہ پاکستان کے سعود شکیل 15 اور عبداللہ شفیق 21 ویں نمبر پر موجود ہیں۔ٹیسٹ باﺅلرز میں بھارت کے روی چندرن ایشون کی پہلی پوزیشن برقرار جبکہ رویندرا جدیجہ 2 درجے ترقی کے بعد تیسرے نمبر پر آگئے۔انگلینڈ کے سٹورٹ براڈ 2 درجے ترقی کے بعد چوتھے نمبر پر آ گئے اور آسٹریلیا کے پیٹ کمنز کی رینکنگ میں 2 درجے تنزلی ہوئی اور وہ پانچویں نمبر پر آ گئے۔شاہین شاہ آفریدی کی رینکنگ میں 3 درجے بہتری ہوئی ، وہ چھٹے نمبر پر آگئے جبکہ انگلینڈکے جیمز اینڈرسن 4 درجے تنزلی کے بعد 8 ویں نمبر پر چلے گئے۔آسٹریلیا کے مچل سٹارک ایک درجے ترقی کے بعد 13 ویں اور انگلینڈ کے کرس ووکس 7 درجے بہتری کے بعد 23 ویں نمبر پر آگئے۔