لاہور(سپورٹس ڈیسک )سٹریلیا اور نیوزی لینڈ میں جاری فیفا ویمنز ورلڈکپ میں بڑا اپ سیٹ‘ جرمنی کی ٹیم تاریخ میں پہلی بار پری کوارٹر فائنل مرحلے میں پہنچنے میں ناکام ‘ باہر ہوگئی۔ جرمنی کی ویمنز ٹیم 2003 ء اور 2007 ء میں دو بار ورلڈکپ جیت چکی ہے اور وہ اس وقت عالمی رینکنگ میں دوسرے نمبر پر ہے۔ جرمنی کا مقابلہ جنوبی کوریا کیساتھ 1-1 سے ڈرا ہوا جس کے بعد جرمن ٹیم پہلی بار خواتین کے ورلڈ کپ کے ابتدائی مرحلے میں ہی باہر ہو گئی ہے۔ مراکش نے اپنے اہم ترین میچ میں کولمبیا کو 0-1 سے شکست دے کر پری کوارٹر فائنل میں جگہ بنالی ہے، شکست کے باوجود کولمبیا نے بھی پری کوارٹر فائنل کیلئے کوالیفائی کرلیا ہے۔مراکش نے تاریخ میں پہلی مرتبہ ویمنز ورلڈ کپ میں شرکت کی ہے اور پری کوارٹر فائنل میں جگہ بنائی۔