لاہور( نوائے وقت رپورٹ ) لاہور‘ اسلام آباد، پشاور سمیت ملک بھر میں رات نو بجے کے قریب  زلرلے کے شدید جھٹکے محسوس کیے گئے۔بنوں، ڈی آئی خان،  سوات، دیامر، چلاس میں بھی  زلزلے جھٹکے محسوس کیے گئے۔ نوشہرہ، مانسہرہ، لوئر دیر، میانوالی اور مالاکنڈ میں بھی زلزلے کے  جھٹکے محسوس کیے گئے۔مختلف علاقوں میں زلزلے کے باعث خوفزدہ لوگ کلمہ طیبہ کا ورد کرتے ہوئے گھرو ں سے باہر آگئے، فوری طور پر کسی قسم کے نقصان کی اطلاع نہیں ملی۔ زلزلہ پیما مرکز کے مطابق زلزلے کی شدت 5.8 ریکارڈ کی گئی، زلزلے کا مرکز ہندوکش ریجن اور گہرائی 196 کلو میٹر تھی۔ بھارتی دارالحکومت نیو دہلی میں بھی زلزلے ک جھٹکے محسوس کیے گئے۔