لاہور (سپورٹس رپورٹر)پاکستان کرکٹ ٹیم کے سابق فیلڈنگ کوچ جیولین فونٹین نے کہا ہے کہ پاکستان کرکٹ ٹیم کی فیلڈنگ بہتری کی طرف جا رہی ہے جو کہ گیم کا تقاضا بھی ہے۔ایک انٹرویومیں جیولین فونٹین نے کہاکہ پاتھ وے پروگرام کو باقاعدگی سے کرنا ایک اچھا آئیڈیا ہے،کم عمر ی میں کھلاڑیوں کو معلومات ملنا مفید ہوتا ہے اور ایج گروپ کھلاڑیوں کو غیر ملکی اور مقامی کوچز سے یہ معلومات مل رہی ہیں۔جیو لین فونٹین نے کہا کہ پاکستان کرکٹ ٹیم کی فیلڈنگ بہتری کی جانب جا رہی ہے۔ گیم تقاضا کرتی ہے کہ بہتری آئے اور پاکستان ٹیم خود کو بہتر کر رہی ہے۔ انھوں نے کہا کہ پاکستان کرکٹرز کا عمومی رویہ شاندار ہے، ان میں اچھی ایتھیلیٹک قابلیت ہے۔جیولین فونٹین نے کہا کہ فیلڈنگ کی مہارت کم عمر میں حاصل کرنے کی ضرورت ہے، 21 یا 22 سال کی عمر میں یہ مہارت حاصل کرنا مشکل ہوتا ہے، ایج گروپ میں مہارت حاصل کریں جو پھر انڈر 19، پاکستان شاہینز اور  پاکستان ٹیم میں آکر مزید بہتر ہو۔