لاہور(سپورٹس رپورٹر)پاکستان نے چین کو شکست دے کر ایشین ہاکی چیمپئنز ٹرافی میں پانچویں پوزیشن حاصل کرلی۔بھارتی شہر چنئی میں کھیلے گئے پانچویں پوزیشن کے میچ میں پاکستان نے پہلے کوارٹر میں 4 گول کرکے پوزیشن مضبوط کرلی، دوسرے کواٹر میں کوئی ٹیم گول نہ کرسکی اور ہاف ٹائم تک پاکستان کو 0-4 کی برتری حاصل تھی۔تیسرے کوارٹر میں چین نے میچ کا واحد گول کیا، چوتھے کوارٹر میں پاکستان نے مزید 2 گول کیے اور مقابلہ 6 گول سے جیت لیا۔ محمد عماد اور سفیان نے 2، 2 جبکہ عبدالحنان اور رانا وحید نے 1، 1 گول کیا۔ پاکستان ٹیم نے 6 میچز کھیلے، 2 میں کامیابی حاصل کی، 2 میچز میں شکست اور 2 میچز ڈرا ہوئے۔ پاکستان ٹیم نے پانچویں پوزیشن کےساتھ اختتام پذیر کیا جو ایشین چیمپئنز ٹرافی میںسب سے خراب کارکردگی ہے۔