ماڑی پٹرولیم آزادی ہاکی کپ 15 اگست سے راولپنڈی میں کھیلا جائیگا
لاہور(سپورٹس رپورٹر)پاکستان ہاکی فیڈریشن کی زیرنگرانی دوسرا ماڑی پٹرولیم آزادی ہاکی کپ 15 اگست تا 20 اگست لیفٹیننٹ جنرل اشفاق ندیم ہاکی سٹیڈیم راولپنڈی میں کھیلا جائیگا۔ ایونٹ میں ڈیپارٹمنٹل ٹیمیں شرکت کرینگی جن میں میزبان ٹیم ماڑی پیٹرولیم ، واپڈا، آرمی، نیوی، ایئر فورس، پولیس اور پنجاب رینجرز کی ٹیمیں شامل ہیں۔ ایونٹ کو ایف آئی ایچ اور پی ایچ ایف کے قوانین اور قواعد و ضوابط کی روشنی میں کھلایا جائیگا۔
پاکستان ہاکی فیڈریشن کی جانب سے میگا ایونٹ کو سپروائز کرنے کےلئے ٹیکنیکل آفیشلز اور امپائرز تعینات کردیئے گئے ہیں۔ ٹورنامنٹ ڈائریکٹر اولمپیئن ناصر علی تعینات کئے گئے ہیں جبکہ شجاع اقبال راجہ (راولپنڈی) اور میجر ر طارق احمد (راولپنڈی) اسسٹنٹ ٹورنامنٹ ڈائریکٹرز تعینات کئے گئے ہیں۔ لیفٹیننٹ کرنل ر محمد یامین خان (ماڑی پیٹرولیم) آرگنائزنگ سیکرٹری کے فرائض سرانجام دینگے جبکہ ڈاکٹر احسن تنویر (اسلام آباد) بطور ڈپٹی آرگنائزنگ سیکرٹری متعین کئے گئے ہیں۔ ایونٹ میڈیا کوآرڈینیٹر ذوالفقار بیگ (راولپنڈی) جبکہ اسسٹنٹ میڈیا کوآرڈینیٹر محمد حفیظ (اسلام آباد) ہونگے۔ لیفٹیننٹ کرنل ر محمد آصف ناز کھوکھر (لاہور) چیف کوآرڈینیٹر تعینات کئے گئے ہیں۔جیوری آف اپیل میں سابق کپتان قومی ہاکی ٹیم اولمپیئن حنیف خان (کراچی) بطور چیئرمین جبکہ سابق عالمی ہاکی چیمپین رانا محمد شفیق(ٹوبہ ٹیک سنگھ) اور رائے عثمان اکبر(لاہور) ممبران ہونگے۔ ٹیکنیکل آفیشلز پینل میں حاجی نعیم (راولپنڈی)، طارق بٹ (لاہور)، سید ضیاءحسین بخاری(راولپنڈی)، آصف بیگ(اسلام آباد)، اختر علی (حیدر آباد)، یاسر لودھی (کیسکو)، محمد یٰسین(راولپنڈی)، رفیق الرحمٰن(راولپنڈی)، مرتضیٰ بھٹی(راولپنڈی)، طاہر شریف گجر(وہاڑی)، حمزہ طفیل (پشاور)، آصف شہزاد (اسلام آباد)، نوید احمد(اسلام آباد) اور گلفام کھوکھر (اسلام آباد) شامل ہیں۔امپائرز پینل میں انوار حسین (آرمی)، یاسر خورشید انٹرنیشنل (ریلویز)، ہارون رشید (پشاور)، امیر حمزہ(ایئرفورس)، وقاص احمد بٹ(واپڈا)، اسد عباس(آرمی)، وسیم (آرمی)، فہد علی خان(کراچی)، عرفان طاہر(بہاولپور)، زاہد علی(لاڑکانہ)، رضوان خان (کراچی) اور ملک صفدر (اسلام آباد) شامل ہیں۔ٹورنامنٹ کی بریفنگ میٹنگ 14 اگست کو لیفٹیننٹ جنرل اشفاق ندیم ہاکی سٹیڈیم راولپنڈی میں منعقد ہوگی۔ ٹورنامنٹ ڈائریکٹر اولمپیئن ناصر علی آرگنائزنگ سیکرٹری محمد یامین خان کے ہمراہ امپائرز، ٹورنامنٹ آفیسرز اور ڈاکٹرز سے3بجے دن جبکہ منیجرز ، کوچز اور ٹیم کپتانوں کے ہمراہ 4بجے دن میٹنگ کرینگے۔
