الحمراء آرٹس کونسل کے زیر اہتمام 76ویں یوم آزادی کی رنگا رنگ تقریبات
لاہور(کلچرل رپورٹر) لاہور آرٹس کونسل الحمراء کے زیر اہتمام 76ویں یوم آزادی پاکستان کی رنگا رنگ تقریبات کا انعقاد کیا گیا۔سیکرٹری اطلاعات وثقافت پنجاب علی نواز ملک نے کیک کاٹا اور پودا لگایا،اہل وطن کو آزادی کی مبارکباد دیتے ہوئے اپنے تاثرات میں کہا تحریک پاکستان کے قائدین کو سلام پیش کرتے ہیں۔قبل ازاں دن کا آغاز دعائیہ تقریب سے ہوا جس میں ملک وقوم کی ترقی و خوشحالی و امن وسلامتی کی دعائیں کی گئی۔ایگزیکٹوڈائریکٹر الحمراء محمد سلیم ساگر نے عوام کے بہت بڑی تعداد اور الحمراء افسران کے ہمراہ پرچم کشائی کی،سبز ہلالی پرچم پر پھولوں کی پتیاں نچھاور کی گئیں،قبل ازاں تقریب میں ننھی بچی نے وطن عزیز کے حصول کیلئے جدوجہد کرنے والوں کو خراج عقیدت پیش کیا۔
