پیرمحل+سمبڑیال+سیالکوٹ  (نا مہ نگار+ نمائندہ نوائے وقت+ نمائندہ خصوصی ) 3اوبا شوں نے 15سالہ نوجوان سے زیادتی کر ڈالی ، پو لیس نے کاروائی کا آغاز کر دیا۔ بھسی روڑ پر واقع گائوں 680/21گ ب میں تین اوباشوں نے پندرہ سالہ نوجوان حسنین کو مبینہ طور پر زیادتی کا نشانہ بنا ڈالا۔ واقعہ کا علم ہو نے پر ورثا نے متاثرہ نوجوان کو طبی امداد کیلئے کے ٹی ایچ کیو ہسپتال منتقل کرتے ہو ئے ملز موں کے خلاف کاروائی کے لئے تھانہ صدر پولیس سے رجوع کر لیا تاہم اوبا شوں کیخلاف مقدمہ کا اندراج نہیں ہو سکا۔سمبڑیال سے نمائندہ نوائے وقت کے مطابق سمبڑیال کے علاقہ تھانہ ایئرپورٹ کے موضع کلووال کے رہائشی مشتاق حسین کے 5سالہ بیٹے نعیم کو حمزہ نے  زیادتی کا نشانہ بناڈالا ، پولیس نے والد کی درخواست پر مقدمہ درج کرلیا ہے ۔سیالکوٹ سے نمائندہ خصوصی کے  مطابق  تھانہ صدر سیالکوٹ کے علاقہ جسپال میں  ریحانہ کوثر کے12سالہ بیٹے زبیع اللہ کواوباش علی رضا نے زبردستی زیادتی کا نشانہ بنایا اور فرار ہو گیا۔ پولیس نے مقدمہ درج کرکے ملزم کی تلاش شروع کردی۔