شیخوپورہ (نمائندہ خصوصی+نمائندہ نوائے وقت) ریگل سٹی اور گریٹ سٹی ہائوسنگ سوسائٹی شیخوپورہ میں جشن آزادی کی تقریب منعقد کی گئی اور کیک بھی کاٹا گیا جس میں ہائوسنگ سوسائٹی کے مالکان حاجی فضل احمد اور عظیم احمد سراء نے شرکت کی اس مو قع پر ہائوسنگ سوسائٹیز کی بلڈنگز دفاتر اور پارکوں کو برقی قمقموں سے سجایا گیا تھا جہاں سینکڑوں فیملیز بچوں نے شرکت کی اور جشن آزادی جوش و خروش سے منایا جشن آزادی کے سلسلہ میں تقریب بھی ہوئی جس سے خطاب کرتے حاجی فضل احمدا ور عظیم احمد سراء نے کہا کہ جشن آزادی منانے کا مقصد ملک سے عہد وفا کرنا ہے پاکستان لا الا اللہ کے نام پر معرض وجود میں آیا اس کو دنیا کی کوئی طاقت ختم نہیں کر سکتی ان رہنمائوں نے کہاکہ پاکستان جلد معاشی طو ر پر دنیا کا بہتر ملک بن جائے گا ۔ہماری پاک فوج کے جوانوں نے ملک کی حفاظت کیلئے جانوں کی قربانیاں دی ہے۔ تقریب میں پیر سید انور شاہ ،نذر حسین سیال ،یوسف ورک ،میاں افضال حیدر ،شیخ سلیم اور دیگر نے بھی شرکت کی ۔