شرقپورشریف(نامہ نگار)مسلم لیگ ن کے مرکزی رہنما سابق وفاقی وزیر رانا تنویر حسین نے کہا ہے کہ ن لیگ ہی حقیقی معنوں میں اکابرین کے افکار پر عمل پیرا ہے قائد میاں نواز شریف جلد وطن واپس آئیں گے 90 فیصد میاں نواز شریف کے دورہ حکومت میں ترقیاتی کام ہوئے پی ٹی ائی کی حکومت نے ایک انچ بھی کام نہیں کیا جتنے بھی موٹرویز ہائی وے،بجلی کے کارخانے،بندرگاہیں ، گوادر، سی پیک بنے میاں نواز شریف نے بنائے اپنے حلقے میں تعلیم کے حوالے سے جہاں بھی موقع ملا میں نے بڑھ چڑھ کر کام کیے۔ بچوں کے لیے کیڈٹ کالج لایا اور پاکستان کی ٹاپ اور نمبر ون یونیورسٹی اپنے حلقے میں تعمیر کرا رہا ہوں سابق وزیراعظم شہباز شریف سے 50 ارب روپے کے منصوبوں کے افتتاح کرائے ۔ ان خیالات کا اظہار انہوں نے گورنمنٹ ہارون شہید سکول شرقپورمیں یوم جشن آزادی کی تقریب سے اورتحصیل  ہسپتال ایم ایس ڈاکٹر عدیل لیاقت بھٹی کی طرف سے کیک کاٹنے کی تقریب سے خطاب کے دوران کیااس موقع پرمیاں عبدالروف ‘ شیخ عمران ،چوہدری فیصل ‘ ڈاکٹر عدیل لیاقت بھٹی ‘ ملک نوید محمود‘ امجد علی بھنگوحکیم سیلم،چوہدری شہباز اصغر ‘ ملک ذوالفقارکھوکھر ‘ملک ندیم محمود سمیت دیگر نے شرکت کی۔