قصور(نمائندہ نوائے وقت)قصور کے گردنواح میں ٹریفک حادثا ت میں ایک شخص جاں بحق جبکہ دو افرا د شدید زخمی ہوگئے۔شاہد نے تھانہ راجہ جنگ میں اطلاع دی بھوچکی پھاٹک کے قریب ٹریفک حادثے میں ایک شخص جاں بحق ہوگیا ہے وقوعہ کی اطلاع پاکر پولیس انڈس ہسپتال پہنچی اور نعش کو قبضہ میں لیکر کارروائی شروع کردی جبکہ ناصر مسیح نے تھانہ چھانگا مانگا میں اطلاع دی ہے کہ میرابھائی یاسر مسیح اور اس کا ساتھی عبدالمتین دونوں پھولنگر کو جارہے تھے کہ سامنے سے تیز رفتار مکئی سے لوڈ ٹرک نے ٹکر مار دی جس کے باعث میرے بھائی کی دونوں ٹانگیں ٹوٹ گئیں اور دوسرے کو شدید چوٹیں آئیں ہیں ۔