لاہور(نیوز رپورٹر)اگست  2023 کو صدرِ پا کستان جناب ڈاکٹر عارف علوی کی جانب سے،پاکستان میں غربت کے خا تمے اور تعلیم کے فروغ کے لئے تا ریخ ساز خدمات کے اعترا ف میںاخوت فائونڈیشن کے با نی ڈاکٹر امجد ثاقب کے لئے پاکستان کے دوسرے بڑے سول اعزاز ’’ ہلا ل امتیاز ‘‘ کا اعلان کیا گیا۔ اگلے سال یوم پاکستان (23مارچ 2024) کو انہیں اس اعزا ز سے نوا زا جائے گا ۔ اخوت بلا سود مائیکرو فنا نسنگ ( قرض حسنہ ) کے حوالے سے د نیا کا سب سے بڑا پروگرام ہے جس سے پاکستا ن میں لاکھو ں خاندا ن مستفید ہو چکے ہیں اس کے علاوہ یہ ادارہ تعلیم کے فروغ کے لئے بھی سرگرم عمل ہے اور اس کے تحت پاکستان کی پہلی بغیر فیس یونیورسٹی کا قیام عمل میں لا یا جا رہا ہے ۔ ڈاکٹر امجد ثاقب کو2010میں ’’ ستارہ امتیاز ‘‘ سے بھی نوا زا جا چکا اور ان کی خدمات کا اعتراف ایشیا ء کے نوبل پرائز’’ رامون میگسیسے‘‘ ایوارڈ کی صورت میں عالمی سطح پر بھی کیا گیا ہے ۔