کراچی (نیٹ نیوز) سابق وزیراعظم ذوالفقار علی بھٹو کے نواسے جونیئر ذوالفقار نے اپنی بہن فاطمہ بھٹو اور دوست منال منشی کے ساتھ دریائے سندھ میں پائی جانے والی نایاب ممالیہ انڈس ڈولفن کو بچانے کیلئے تنظیم بنا دی۔ جونیئر ذوالفقار نے اپنی انسٹاگرام پوسٹ میں بتایا کہ انہوں نے دریائے سندھ میں پائی جانے والی انڈس ڈولفن جسے سندھ زبان میں بلہن کہا جاتا ہے اس کے تحفظ کیلئے بلہن فاؤنڈیشن قائم کی ہے۔