لاہور(نامہ نگار)شاہدرہ پولیس نے کارروائی کے دوران منشیات کی ترسیل کرنے والے بڑے نیٹ ورک کے3ملزمان گرفتار کر لئے ہیں۔شاہدرہ پولیس نے خفیہ اطلاع پر کارروائی کرتے ہوئے بارڈر ایریا اور اندرون شہر میں منشیات کی ترسیل کیلئے ڈرون کا استعمال کرنے والے ملزمان بابر،وسیم اور عدیل کو گرفتار کر کے ان کے قبضے سے لاکھوں روپے مالیت کی 900 گرام کرسٹل ہیروئن،ایک ڈرون اور 25 لاکھ نقد رقم برآمدکر کے مقدمات درج کر لئے ہیں۔پولیس کا کہنا ہے کہ ملزمان منظم گروہ کی شکل میں عرصہ دراز سے یہ منشیات سمگلنگ کا گھناؤنا دھندہ کر رہے تھے۔