فیروز والہ( نامہ نگار) تھانہ صدر کے علاقہ معراج ٹاؤن راوی ریان میں بچوں کی لڑائی سے مشتعل ہوکر ملزم نے فائرنگ کرکے ہمسائی خاتون کو لہولہان کردیا ۔مضروبہ کو ریسکیواہلکاروں نے ہسپتال منتقل کردیا ۔ محنت کش عدنان کی اہلیہ کرن بی بی اورملزم حامد کے بچوں کے مابین گلی میں جھگڑا ہوگیا۔گالم گلوچ اورلڑائی جھگڑے کی آوازیں سن کر خاتون کرن بی بی بھی گھر سے باہر آگئی جس پر دوران لڑائی جھگڑا بڑھ گیا‘ملزم حامد نے اچانک فائرنگ کردی ‘ٹانگ میں گولی لگنے سے خاتون کرن بی بی لہولہان ہوکرگرگئی اورملزم فرار ہوگیا۔ مضروبہ کوہسپتال  میں طبی امداد فراہم کی جارہی ہے تاہم ملزم کی گرفتاری عمل میں نہ لائی جاسکی ہے۔