لاہور(نامہ نگار)ننکانہ صاحب پولیس ملازمین کے بچوں نے پنجاب سیف سٹیز اتھارٹی کا دورہ کیا۔ اس موقع پر ملازمین کے بچوں نے آپریشن اینڈ مانیٹرنگ سنٹر کی سکرین سے شہر بھر کا نظارہ کیا۔شفٹ کمانڈر ڈی ایس پی نے بچوں سے ملاقات کی۔ تعلیم اور مستقبل بارے دلچسپ گفتگو کی اوربچوں کو 15 ایمرجنسی نمبر کی اہمیت اور فیک کال سے بچاؤ بارے بتایا۔بچوں کو ٹریفک سگنلز، قوانین اور زیبرا کراسنگ بارے معلومات دی گئیں۔بچوں کو گمشدگی کی صورت میں پولیس کو اطلاع کرنے بارے بتایا گیا۔بچوں کیساتھ آئے والدین کا کہنا تھا کہ آئی جی پنجاب پولیس ملازمین کے بچوں کی تربیت میں خصوصی دلچسپی لیتے ہیں۔بچوں کے شعور میں اضافے کیلئے اس نوعیت کے تعلیمی دورے اہم ہیں۔