فیروز والہ( نامہ نگار) جی ٹی روڈ پر ٹریفک کے مختلف حادثات میں ایک نوجوان ہلاک اور تین افراد زخمی ہو گئے۔ کوٹ عبدالمالک کے قریب تیر رفتار ٹریکٹر ٹرالی بے قابو ہو کر موٹر سائیکل سواروں سے ٹکرا گئی جس کے نتیجہ میں نوجوان سلیمان رشید ہلاک اس کا کزن زخمی ہو گیا جسے ہسپتال داخل کرا دیا گیا۔ حادثہ کے بعد ٹریکٹر ڈرائیور فرار ہو گیا۔ فیکٹری ایریا پولیس نے واقعہ کی رپورٹ درج کر لی ۔لاہور روڈ پر دو موٹرسائیکلیں آپس میں ٹکرا گئی جس کے نتیجہ میں دو نوجوان زخمی ہو گئے جنہیں ہسپتال داخل کرا دیا گیا۔