لاہور (سپورٹس رپورٹر) سندھ باکسنگ ایسوسی ایشن کے انتخابات میں اصغر بلوچ آئندہ 4 سال کیلئے دوبارہ صدر منتخب ہوگئے جبکہ دودا خان بھٹو چیئرمین اور عبدالرزاق بلوچ جنرل سیکرٹری منتخب ہوئے۔لیاری لیبرویلفیئرسینٹرباکسنگ کلب میں سندھ باکسنگ ایسوسی ایشن کا سالانہ اجلاس جمعرات کو اصغر بلوچ کی زیرصدارت منعقد ہوا۔ ڈائریکٹر سپورٹس کراچی پورٹ ٹرسٹ و پاکستان باکسنگ فیڈریشن کے میجر(ر)محمود ریاض،سندھ اولمپک ایسوسی ایشن کے سیکرٹری جنرل احمد علی راجپوت اور محکمہ کھیل سندھ کے عاصم علی کی موجودگی میں اجلاس میں شریک سندھ کے 6 ڈویڑن، ریفری ججز، کوچز، وومن، ایتھلیٹ کمیشن کے نمائندوں نے متفقہ طور پرآئندہ 4 سال کیلئے ایسوسی ایشن کے دیگر عہدیداروں کا بھی انتخاب متفقہ طور پر کیا۔