لاہور(سپورٹس رپورٹر) پاکستان کرکٹ بورڈ کے تحت لیول ٹو کرکٹ کوچ کورس آج سے نیشنل کرکٹ اکیڈمی لاہور میں شروع ہوگا۔اس 6  روزہ کورس میں 30 افراد شرکت کریں گے جن میں 6 انٹرنیشنل کرکٹرز بھی شامل ہیں۔ جن 6 انٹرنیشنل کرکٹرز نے اس کورس کے لیے خود کو رجسٹر کرایا ہے  ان میں ایمن انور ، عمران بٹ ، جویریہ خان، جویریہ رؤف، منصور امجد اور ساجد خان شامل ہیں۔ لیول ٹو کورس میں نیشنل کرکٹ اکیڈمی کے کوچز ایڈوانس کوچنگ سکلز کے بارے میں شرکا کو سکھائیں گے کہ وڈیو تجزیے کے ذریعے غلطیوں کو کیسے دور کیا جاسکتا ہے۔اس کورس میں رابطے میں مہارت۔ ذہنی اور جسمانی مضبوطی۔ غذائیت۔ اور حکمت عملی کی تیاری کے بارے میں بتایا جائے گا جس سے کھلاڑی اگلے مرحلے میں جاسکتا ہے۔ کورس کے اختتام پر شرکا کو تین ماہ دیے جائیں گے تاکہ وہ اپنے اسائنمنٹ مکمل کرسکیں۔ کامیاب شرکا کو لیول ٹو کوچنگ سرٹیفکیٹس دیے جائیں گے۔ کورس کے کوچز یہ ہیں۔ عمران عباس، محتشم رشید، ثاقب فقیر، شاہد اسلم، راحت عباس اسدی، راؤ افتخار انجم، عمر رشید اور یاسر ملک، کورس کے شرکا یہ ہیں۔