لاہور (سپورٹس رپورٹر)فیفا ویمنز ورلڈ کپ فٹبال کافائنل انگلینڈ اور سپین کے درمیان پرسوں کھیلا جائے گا۔انگلینڈ نے آسٹریلیا کو جبکہ سپین نے سویڈن کو شکست دیکر پہلی بار ٹورنامنٹ کے فائنل میں کھیلنے کا اعزاز حاصل کیا ہے۔انگلینڈ کی ٹیم نے ایونٹ میں 2015ء کے ورلڈ کپ میں تیسری پوزیشن حاصل کی تھی جبکہ سپین پہلی بار سیمی فائنل اور فائنل میں پہنچنے میں کامیاب رہی ہے۔فائنل کیلئے آسٹریلیا کو فیوریٹ قرار دیا جارہا تھا تاہم وہ انگلینڈ سے ہار گیا۔ ٹورنامنٹ میں تیسری پوزیشن کا میچ میزبان آسٹریلیا اور سویڈن کے درمیان 19 اگست ہفتے کو ہوگا۔