ایشین جونیئر سکواش: پاکستان بھارت کو ہرکر سیمی فائنل میں پہنچ گیا
لاہور (سپورٹس رپورٹر) ایشیئن جونیئر سکواش چیمپئن شپ کے انڈر 13 مقابلوں میں پاکستان کے دونوں کھلاڑی سیمی فائنل میں پہنچ گئے۔ احمد رایان خلیل نے بھارت کے اریامن سنگھ کو شکست دی۔ احمد رایان نے انڈین پلیئر کے خلاف میچ تین ایک سے جیتا۔ پاکستانی پلیئر نے پہلا گیم ہارنے کے بعد کم بیک کرتے ہوئے تین مسلسل گیمز جیتے۔ نعمان خان نے ملائشیا کے یالوانتھن روی کمار کو تین - صفر سے زیر کیا۔ انڈر 15 میں ابراہیم زیب نے بھارت کے آریان دیودن کو شکست دے دی۔ عبداللہ نواز نے انڈر 17 کیٹگری کے کوارٹر فائنل میں ہانگ کانگ کے کھلاڑی کو شکست سے دوچار کیا۔ پاکستانی کھلاڑی کی کامیابی کا سکور 3-11 ، 12-10 ، 8-12 ، 6-11 اور 10-12 رہا۔
ایشیئن جونیئر سکواش
