لاہور(سپورٹس رپورٹر)قومی ٹیم کے فاسٹ بائولر نسیم شاہ نے لاہور قلندرز کے ہیڈکوچ عاقب جاوید کے سوال پر اپنے خیالات کا اظہار کردیا۔کینیڈا میں جاری گلوبل ٹی20 لیگ میں نوجوان فاسٹ بولر نسیم شاہ سے سوال کیا گیا کہ سابق کرکٹر عاقب جاوید نے زمان خان کو آپ سے بہتر بائولر قرار دیا ہے جس پر انہوں نے کہا کہ کبھی بھی اپنا موازنہ دوسروں سے نہیں کیا، نہ ہی کہا کہ میں ایک اچھا باؤلر ہوں یا میں کسی سے بہتر ہوں؟ میرا بنیادی ہدف ٹیم کی فتوحات میں حصہ ڈالنا اور وکٹیں لینا ہے کبھی بھی ٹیم کے ساتھیوں سے خود کو جانچنے کی کوشش نہیں کی۔ دیکھیں! ہر کوئی مجھ سے بہتر ہے، میں نے کبھی اس بات پر زور نہیں دیا کہ مجھے دوسروں کے مقابلے میں بہتر بننا ہے۔