اسلام آباد (خبر نگار) سابق وزیر اعظم اور مسلم لیگ (ن) کے صدر شہباز شریف کی پارٹی کے ڈپٹی سیکرٹری جنرل عطاءاللہ تارڑ کی رہائش گاہ آمد ہوئی۔ شہباز شریف نے عطاءاللہ تارڑ کے والدین اور اہل خانہ سے ملاقات کی اور سابق صدر رفیق تارڑ کی پاکستان اور قوم کے لئے خدمات کو خراج عقیدت پیش کیا۔ شہباز شریف نے عطاءاللہ تارڑ کی پارٹی اور وزارت عظمیٰ کے 16 ماہ میں ملک کے لئے خدمات کو سراہا اور شکریہ ادا کیا۔ شہباز شریف نے سابق صدر رفیق تارڑ کی یادگار تاریخی تصاویر بھی دیکھیں، عطاءاللہ تارڑ نے سابق صدر رفیق تارڑ اور سابق وزیراعظم شہباز شریف کی 1997ءکی ایک یادگار تاریخی تصویر بھی شہباز شریف کو دکھائی۔ اس تصویر میں شہباز شریف یو اے ای کے مرحوم صدر شیخ زاید بن سلطان النہیان کے ساتھ ان کے صدر اور موجودہ صدر شیخ محمد بن زاید النہیان بھی موجود ہیں۔ عطاء اللہ تارڑ اور ان کے اہل خانہ نے آمد پر شہباز شریف کا شکریہ ادا کیا۔علاوہ ازیں وزیراعظم شہباز شریف کی آج لاہور سے لندن روانگی متوقع ہے۔ پارٹی ذرائع کے مطابق مریم اورنگزیب بھی شہباز شریف کے ساتھ ہوں گی۔ شہباز شریف لندن میں نواز شریف سے اہم ملاقات کرینگے۔