لاہور(سپورٹس رپورٹر)پاکستان ہاکی فیڈریشن کے زیر انتظام ماڑی پٹرولیم کمپنی لمیٹڈ کے زیر اہتمام دوسرا ماڑی پٹرولیم آزادی کپ ہاکی ٹورنامنٹ 2023ء لیفٹیننٹ جنرل اشفاق ندیم ہاکی سٹیڈیم راولپنڈی میں کھیلا جارہا ہے۔گزشتہ روز ٹورنامنٹ کے سیمی فائنل میچ کھیلے گئے۔ پہلا سیمی فائنل میچ پاکستان نیوی اور پاکستان واپڈا کے مابین کھیلا گیا جبکہ دوسرا سیمی فائنل میچ میزبان ماڑی پٹرولیم اور پاکستان آرمی کلرز کے مابین کھیلا گیا۔پاکستان واپڈا نے 2 گول کے مقابلے میں 5 گول سے میچ جیت کر فائنل میچ میں اپنی جگہ پکی کرلی۔ دوسرے سیمی فائنل میچ میں ماڑی پٹرولیم اور پالستان آرمی کلرز نے شاندار کھیل کا مظاہرہ کیا مقررہ وقت میں میچ 2 دو گول سے برابر رہا۔ میچ کا فیصلہ پنالٹی شوٹ آوٹس پر ہوا۔ پنالٹی شوٹ آؤٹس پر ماڑی پٹرولیم کے 4 گول کے مقابلے میں آرمی کلرز کی ٹیم صرف ایک گول سکور کر سکی اور اس طرح مجموعی طور پر ماڑی پٹرولیم نے یہ میچ 3 کے مقابلے میں 6 گول سے جیت کر فائنل میچ میں اپنی جگہ پکی کر لی۔ اس موقع پر سیکریٹری جنرل پاکستان ہاکی فیڈریشن سید حیدر حسین ، ٹورنامنٹ ڈائریکٹر اولمپیئن ناصر علی ، اولمپیئن شہناز شیخ ، ٹورنامنٹ آرگنائزنگ سیکرٹری کرنل محمد یامین، اسسٹنٹ ٹورنامنٹ ڈائریکٹر میجر طارق ورک، اسسٹنٹ ٹورنامنٹ ڈائریکٹر راجہ شجاع اقبال، ایمپائرز منیجر ذوالفقار حسین ، اسسٹنٹ ایمپائرز مینیجر کامران شاہ ، اسسٹنٹ ایمپائرز منیجر مبارک علی ، ایونٹ میڈیا کوآرڈینیٹر ذوالفقار بیگ ، اسسٹنٹ میڈیا کوآرڈینیٹر محمد حفیظ ،حاجی نعیم اور ان کی ٹیم  کے ساتھ شائقین ہاکی کی کثیر تعداد سٹیڈیم میں موجود تھی