سید والا: مخالفین کی فائرنگ سے 30 سالہ شخص قتل ‘2 افراد شدید زخمی
سید والا (نامہ نگار)رشتہ داری کے تنازعہ پر مسلح افرادکی فائرنگ 30 سالہ شخص قتل اور دو افراد شدید زخمی ہو گئے تفصیل کے مطابق ٹھٹہ نور کا کے رہائشی جاوید اقبال اور احسان جو کہ آپس میں قریبی عزیز بتائے جاتے ہیں کے مابین رشتہ داری کا گھریلو تنازعہ چل رہا تھا اسی رنجش پر ملزم احسان وغیرہ نے اپنے دیگر ساتھیوں کے ہمراہ چک نمبر 19 کے قریب کھیتوں میں کام کرتے جاوید اقبال باغ علی اور علی حسنین پر فائرنگ کر دی۔ جس کے نتیجہ میں جاوید اقبال قتل ہو گیا جبکہ باغ علی اور علی حسنین شدید زخمی ہو گئے۔تھانہ سید والا پولیس نے ضروری کارروائی کیلئے نعش کو قبضہ میں لے لیا۔
