لاہور(سپورٹس رپورٹر)پاکستان ہاکی فیڈریشن نے ایشین گیمز کی تیاری کیلئے قومی ہاکی تربیتی کیمپ کے کھلاڑیوں کے ناموں کا اعلان کردیا۔ 36 کھلاڑیوں پر مشتمل قومی ہاکی تربیتی کیمپ پاکستان ہاکی فیڈریشن کے زیرانتظام نصیر بندہ ہاکی سٹیڈیم اسلام آباد میں 21 اگست سے شروع ہوگا۔ ایشین گیمز چائنہ کے شہر ہانگجو میں 25ستمبر تا 8 اکتوبر منعقد ہورہی ہیں۔ اولمپیئن کلیم اللہ کی سربراہی میں پانچ رکنی قومی ہاکی سلیکشن کمیٹی نے کھلاڑیوں کی پرفارمنس کو ملحوظ رکھتے ہوئے جن 36 کھلاڑیوں کو کیمپ میں شامل کرنے کی سفارشات مرتب کیں صدر پی ایچ ایف برگیڈیئر ر خالد سجاد کھوکھر کی حتمی منظوری کے بعد ان کھلاڑیوں کو ایشین گیمز کی تیاری کیلئے پی ایچ ایف کی جانب سے لگائے گئے کیمپ کا حصہ بنایا گیا ہے جو کہ کیمپ کمانڈنٹ و ہیڈ کوچ اولمپیئن شہناز شیخ کو 21 اگست کو 4 بجے دن تک رپورٹ کرینگے۔