لاہور(سپورٹس رپورٹر)پاکستان ہاکی فیڈریشن نے سابق عالمی ہاکی کپ گولڈ میڈلسٹ رانا محمد شفیق کو ممبر قومی ہاکی سلیکشن کمیٹی تعینات کردیا۔ صدر پی ایچ ایف برگیڈیئر ر خالد سجاد کھوکھر کی حتمی منظوری کے بعد 1978 ایشین گیمز گولڈ میڈلسٹ، 1978 ورلڈ کپ گولڈ میڈلسٹ رانا محمد شفیق نے 33 انٹرنیشنل میچز میں پاکستان کی نمائندگی کی۔ رانا محمد شفیق بطور منیجر، کوچ ، سلیکٹر اور کیمپ کمانڈنٹ قومی ہاکی ٹیموں کیساتھ اپنی پیشہ ورانہ خدمات بھی سرانجام دے چکے ہیں۔ رانا محمد شفیق کو اولمپیئن شکیل عباسی کی جگہ سلیکشن کمیٹی میں شامل کیا گیا ہے۔