قصور+ الہ آباد/ٹھینگ موڑ (نمائندگان نوائے وقت)ڈی پی او قصور کی ہدایت پر پولیس کی جرائم پیشہ عناصر کیخلاف کارروائیاں جاری،بکن کے روڈ پر پولیس مقابلے کے بعد ایک ڈاکو زخمی حالت میں گرفتار،موٹر سائیکل،اسلحہ برآمدکر لیا گیا۔ زخمی ڈاکو کی شناخت ساجد والد غفور سکنہ گرین ٹاؤن لاہور کے نام سے ہوئی۔ راشد نے پولیس کو 15 پر اطلاع دی کہ تین ڈاکو موٹر سائیکل، 37 ہزار اور سونے کی انگوٹھی چھین کر فرار ہو گئے ہیں۔ تھانہ سٹی چونیاں نے فوری ناکہ بندی کی۔ ملزموں نے پولیس پارٹی پر فائرنگ کر دی۔ ملزموں کی اپنی فائرنگ سے ایک ساتھی زخمی ہوگیا جس کو گرفتار کر لیا گیا جبکہ دو فرار ہو گئے۔ زخمی ڈاکو کے قبضہ سے چھینی گئی موٹر سائیکل اور اسلحہ برآمد کر لیا گیا ہے۔