لاہور(لیڈی رپورٹر) معروف ماہر تعلیم، محقق اور عالمی شہرت یافتہ ماہر ابلاغ ڈاکٹر قیصر رفیق نے یونیورسٹی آف سرگودھا کا خصوصی دورہ کیا۔ اپنے دورے میں انہوں نے یونیورسٹی کے مختلف تعلیمی، انتظامی شعبہ جات، کیرئیر ڈویلپمنٹ سنٹر، وحید وائیں انکوبیشن سنٹر، میڈیا انفارمیشن سنٹر، شعبہ ابلاغیات، یونیورسٹی ریڈیو اور دیگر اہم پراجیکٹس بھی دیکھے۔ ان کے ہمراہ چیئرمین شعبہ ابلاغیات کامسیٹ یونیورسٹی ڈاکٹر سہیل ریاض راجہ اور ماہر تعلیم ڈاکٹر شاہد بھی موجود تھے۔ قبل ازیں وائس چانسلر یونیورسٹی آف سرگودھا پروفیسر ڈاکٹر قیصر عباس نے انہیں یونیورسٹی کمیٹی روم میں ادارے کے بارے میں تفصیلی بریفنگ دی اور بتایا کہ کس طرح ہمارا ادارہ عصر حاضر کے تقاضوں کے ہم آہنگ اپنے طالب علموں کی تعلیم و تربیت کررہا ہے۔