لاہور (نامہ نگار) چوری و ڈکیتی کی وارداتوں میں متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا گیا۔ ڈاکوؤں نے قلعہ گجر سنگھ کے علاقے میں عدنان نصیب سے گن پوائنٹ پر 86 لاکھ 30 ہزار روپے، ڈیفنس بی کے علاقے میں ضیاء الدین کے گھر میں گھس کر اہلخانہ کو گن پوائنٹ پر یرغمال بنا کر 7لاکھ 70ہزار نقدی، طلائی زیورات، موبائل فون اور دیگر سامان، گڑھی شاہو میں لطیف اور اس کی فیملی سے 2لا کھ 65ہزار نقدی، طلائی زیورات اور موبائل فون، برکی میں محمود سے 40ہزار روپے اور موبائل فون، گجر پورہ  میں طارق عصمت سے ایک لاکھ 10ہزار اور موبائل فون، گلشن اقبال کے علاقے میں سلمان  سے 85ہزار اور موبائل فون، نشتر کالونی میں عارف سے 45ہزار اور موبائل فون، اچھرہ میں عثمان حفیظ سے 30ہزار اور موبائل فون، لٹن روڈ میں عبدالواحد سے 25ہزار اور موبائل فون، ستو کتلہ میں زاہد سے 10ہزار اور موبائل فون، پرانی انارکلی میں دلبر خان سے 5ہزار روپے اور موبائل فون لوٹ لیا اور فرار ہو گئے ہیں۔ چوروں نے ہنجروال کے علاقے میں ابراہیم کے گھر سے3 لاکھ 60 ہزار روپے مالیت کی نقدی اور دیگر گھریلو سامان چوری کرلیا ہے۔ چوروں نے باٹاپور، ڈیفنس، غالب مارکیٹ اور فیکٹری ایریا کے علاقوں میں سے 4گاڑیاں، نواں کوٹ کے علاقے میں سے رکشہ جبکہ برکی، ریس کورس، مزنگ، لوئر مال، مانگا منڈی، گڑھی شاہو، غازی آباد اور گرین ٹاؤن کے علاقوں میں سے 8 موٹر سائیکلیں چوری کرلی ہیں۔