ایشین گیمز کرکٹ، پاکستان شاہینز کا سکواڈ کا اعلان،قاسم اکرم کپتان مقرر
لاہور (سپورٹس رپورٹر) 19 ویں ایشین گیمز میں کرکٹ مقابلوں کیلئے پاکستان شاہینز کے 15 رکنی سکواڈ کا اعلان کردیا گیا۔پاکستان کرکٹ بورڈ نے آل راؤنڈر قاسم اکرم کو پاکستان شاہینز کا کپتان مقرر کردیا ہے۔19 ویں ایشین گیمز کے کرکٹ مقابلے28 ستمبر سے7 اکتوبر تک چین کے شہر ہینگ زو میں منعقد ہونگے اور یہ ٹی ٹونٹی فارمیٹ کے تحت ہونگے۔ایشین گیمز کے قواعد و ضوابط کے مطابق پاکستان شاہینز کوارٹر فائنل سے آغاز کرے گی جو 3 اور 4 اکتوبر کو کھیلے جائیں گے۔ سیمی فائنلز 6 اکتوبر کو ہونگے جبکہ تیسری پوزیشن کا میچ اور فائنل 7 اکتوبر کو کھیلے جائیں گے۔پاکستان نے 2010 میں چین کے شہر گونگ زومیں ہونے والے ایشین گیمز کے کرکٹ مقابلوں میں کانسی کا تمغہ جیتا تھا۔20 سالہ قاسم اکرم بیس فرسٹ کلاس میچز کے علاوہ چالیس ٹی ٹونٹی میچز بھی کھیل چکے ہیں۔ وہ گزشتہ سال انڈر19 ورلڈ کپ میں پاکستان انڈر 19 کے کپتان تھے۔اعلان کردہ پندرہ رکنی ٹیم میں آٹھ کھلاڑی وہ ہیں جو انٹرنیشنل کرکٹ میں پاکستان کی نمائندگی کرچکے ہیں۔ان میں عامر جمال ( 2 ٹی ٹونٹی ) ارشد اقبال ( ایک ٹی ٹونٹی ) آصف علی ( 21 ون ڈے اور 55 ٹی ٹونٹی ) حیدرعلی ( 2 ون ڈے اور 33 ٹی ٹونٹی ) خوشدل شاہ ( 10 ون ڈے اور 24 ٹی ٹونٹی ) محمد حسنین ( 9 ون ڈے اور 27 ٹی ٹونٹی ) شاہنواز دھانی ( 2 ون ڈے اور 11 ٹی ٹونٹی ) اور عثمان قادر ( ایک ون ڈے اور 23 ٹی ٹونٹی ) شامل ہیں۔عامر جمال‘ عرفات منہاس‘ ارشد اقبال‘ قاسم اکرم‘ عمیر بن یوسف‘ روحیل نذیر‘ شاہنواز دھانی اور سفیان مقیم حالیہ دنوں میں پاکستان شاہینز کیساتھ رہے ہیں۔ مئی 2023سے پاکستان شاہینز نے زمبابوے‘ سری لنکا اور آسٹریلیا کے دورے کئے ہیں۔ سری لنکا میں پاکستان شاہینز نے ایمرجنگ ایشیا کپ کے فائنل میں بھارت اے کو108 رنز سے ہرایا۔ آسٹریلیا میں وہ ٹاپ اینڈ ٹی ٹونٹی سیریز میں رنر اپ رہی جبکہ زمبابوے اے کیخلاف اس نے دونوں چار روزہ میچ جیتے البتہ ون ڈے سیریز میں اسے چار دو سے شکست ہوئی تھی۔ایشین گیمز کے قواعدوضوابط کے مطابق پاکستان شاہینز کوارٹرفائنل سے آغاز کریگی جو 3 اور 4 اکتوبر کو کھیلے جائیں گے۔سیمی فائنلز 6 اکتوبر کو ہونگے جبکہ تیسری پوزیشن کا میچ اور فائنل 7 اکتوبر کو کھیلے جائیں گے۔پاکستان نے 2010 ء میں چین کے شہر گونگ زومیں ہونے والے ایشین گیمز کے کرکٹ مقابلوں میں کانسی کا تمغہ جیتا تھا۔پاکستان شاہینز ان کھلاڑیوں پر مشتمل ہے۔ قاسم اکرم ( کپتان ) عمیر بن یوسف ( نائب کپتان ) عامر جمال‘ عرفات منہاس‘ ارشد اقبال‘ آصف علی‘ حیدرعلی‘خوشدل شاہ‘ مرزا طاہر بیگ‘ محمدحسنین‘ محمد اخلاق‘ روحیل نذیر‘ شاہنواز دھانی‘سفیان مقیم اور عثمان قادر۔نان ٹریولنگ ریزرو میں عبدالواحد بنگلزئی‘مہران ممتاز‘ محمد عمران جونیئر‘ محمد عرفان خان نیازی اور مبصرخان شامل ہیں۔پلیئر سپورٹ سٹاف ان افراد پر مشتمل ہے۔ شاہد اسلم ( ہیڈ کوچ اور منیجر) عمر رشید ( بائولنگ کوچ ) حنیف ملک ( بیٹنگ اور فیلڈنگ کوچ ) اور حافظ نعیم الرسول ( فزیو تھراپسٹ )ہونگے ۔
