چیچہ وطنی+ غازی آباد (نامہ نگاران) نواحی چک 171 نو ایل کے قریب ڈاکوئوں اور پولیس کے درمیان مقابلہ۔  ڈاکو محسن نامی ہلاک‘ دو ڈاکو فرار ہو گئے۔ تفصیلات کے مطابق چک 361 ای بی کے بیوپاری شوک موہل وغیرہ بکریاں فروخت کر کے واپس جا رہے تھے کہ ناکہ پر ڈاکوئوں نے نقدی ڈیڑھ لاکھ روپے اور موبائل لوٹ لئے۔ دیہاتیوں نے ڈاکوئوں کا تعاقب کیا تو پولیس غازی آباد آگئی۔ ڈاکوئوں نے موٹر سائیکل  پر فرار ہوتے ہوئے پولیس کی گاڑی پر فائرنگ کر دی۔ ڈرائیور نے گاڑی موٹر سائیکل سوار ڈاکو پر چڑھا دی۔ دو ڈاکو فرار ہو گئے جبکہ ڈاکو محسن شدید زخمی حالت میں ساہیوال ٹیچنگ ہسپتال لایا گیا جہاں وہ زخموں کی تاب نہ لا کر جا بحق ہو گیا۔ محسن اور اس کے ساتھی ڈاکو ذیشان کا تعلق جھنگ سے ہے اور ڈکیتی کی درجنوں وارداتوں کے مرتکب ہو چکے ہیں۔ پولیس نے نعش پوسٹمارٹم کیلئے ٹیچنگ ہسپتال مردہ خانہ منتقل کر دی۔