فیروز والہ( نامہ نگار) بدو پلی کے قریب ڈکیتی کی واردات کے دوران مزاحمت پر ڈاکوؤں نے فائرنگ کر کے موٹر سائیکل سوارنوجوان عبدالسلام کو شدید زخمی کر دیا ‘ ہسپتال میں حالت نازک بیان کی جاتی ہے۔ علاقہ میں پولیس نے سات مقامات پر ناکے لگا رکھے تھے اس کے باوجود ڈکیتی کی وارداتیں نہ رک سکیں ۔ ڈاکووں نے موٹر سائیکل سوار شہباز احمد اور اس کی بیوی سے 70 ہزار روپے‘ لاکھوں روپے مالیت کے زیورات لوٹ لئے ۔ شہباز موٹر سائیکل پر اپنی بیوی کے ہمراہ سوار ہو کر ا رہا تھا کہ راستے میں ڈاکووں نے اسے گن پوائنٹ پر روک کر لوٹ لیا اور فرار ہو گئے۔ ڈاکوؤں نے عدیل یونس سے لاکھوں روپے کی رقم اور دیگر قیمتی سامان لوٹ کر لے گئے۔