لاہور(سپورٹس رپورٹر) وزیراعلی پنجاب کے مشیر برائے کھیل وامور نوجوانان پنجاب وہاب ریاض نے اولمپئن اتھلیٹ ارشد ندیم کو ورلڈ اتھلیٹکس چیمپئن شپ کے جیولن تھرو ایونٹ کے فائنل اور پیرس اولمپکس کیلئے کوالیفائی کرنے پر مبارکباد دی ہے،انہوں نے کہا کہ ویلڈن ارشدندیم،پوری قوم کو آپ پر فخر ہے،امید ہے آپ جوش، ولولے اور لگن سے فائنل میں اتریں اور بہترین کارکردگی سے فائنل میں گولڈ میڈل جیتیں گے، مشیر کھیل وامور نوجوانان پنجاب وہاب ریاض نے سیلاب سے متاثرہ اوکاڑہ کے نواحی علاقوں کا دورہ کیا،فلڈ ریلیف اور میڈیکل کیمپس کا معائنہ کیا،انہوں نے متاثرین سیلاب کو فلڈ ریلیف کیمپ میں ملنے والی سہولیات اور ان کو مہیا کئے جانیوالے کھانے کا معیار بھی چیک کیا۔