چنیوٹ اور سرگودھا میں بارش سے چھتیں گر گئیں‘ 10 افراد ملبے تلے دب کر زخمی
سرگودھا‘ چنیوٹ (نمائندہ خصوصی + نمائندہ نوائے وقت) سرگودھا میں موسلادھار بارش کے دوران گھر کی چھت گرنے سے ملبہ تلے دب کر دو بچوں سمیت پانچ افراد زخمی ہو گئے جن کو ریسکیو کر کے ہسپتال منتقل کر دیا گیا۔ دریں اثناءچنیوٹ میں شدید بارش کے باعث چھتیں گرنے سے پانچ افراد ملبے تلے دب گئے۔ ریسکیو اہلکاروں نے تشویش ناک حالت میں زخمیوں کو ہسپتال پہنچایا‘ شدید بارش کے دوران فیصل آباد روڈ پر شمس ملز کے قریب کانوں اور بانسوں سے بنی ہوئی چھت گر گئی جس کے باعث 22سالہ خاتون ارم بی بی اور پندرہ سالہ لڑکا فرحان ملبے تلے دب گئے۔ دوسرے واقعہ میں کالو وال روڈ کوٹ قاضی کے قریب بانسوں اور گارڈر سے بنی ہوئی چھت بارش کے باعث گرنے سے 65سالہ افضل اس کے دو بیٹے 15سالہ ادیب اور 10سالہ نوید ملبے تلے دب کر زخمی ہو گئے۔
چھتیں گر گئیں
