راولپنڈی(این این آئی)جاتلی پولیس نے کارروائی کرتے ہوئے3 ہفتے قبل غیرت کے نام پر اپنی 2 بہنوں کو قتل کرنے والے ملزم کوگرفتارکرلیا۔تفصیلات کے مطابق ایس پی صدر کی زیرنگرانی جاتلی پولیس نے کارروائی کرتے ہوئے3ہفتے قبل غیر ت کے نام پر اپنی 2بہنوں کو قتل کرنے والے ملزم رضوان کو گرفتارکرلیا،ملزم رضوان اپنی بہن سعدیہ اور نازیہ کو فائرنگ کر کے قتل کرنے کے بعد فرار ہو گیا تھا،ملزم رضوان اپنی بہنوں پر شک کرتا تھا،واقعہ کا مقتولین کے والد کی مدعیت میں تھانہ جاتلی میں درج کیاگیا تھا۔
ایس پی صدر محمد نبیل کھوکھر نے کہاکہ گرفتار ملزم کو ٹھوس شواہد کے ساتھ چالان کر کے قرار واقعی سزا دلوائی جائے گی،سنگین مقدمات میں ملوث ملزمان کی گرفتاری کے لیے تمام وسائل بروے کار لائے جا رہے ہیں۔
ملزم گرفتار