لاہور (نامہ نگار) اچھرہ میں مبینہ پولیس مقابلے کے بعد ایک ڈاکو کو زخمی حالت میں حراست میں لے لیا گیا جبکہ اس کا ساتھی فرار ہونے میں کامیاب ہو گیا ہے۔ پولیس کو 15 کال پر اطلاع ملی کہ ملزمان شاہ جمال میں اعظم نامی شہری سے گن پوائنٹ پر موبائل، نقدی چھین کر فرار ہو گئے ہیں۔ شہری کی نشاندہی پر اچھرہ پولیس نے ملزمان کا تعاقب کیا۔ اس دوران نالہ روڈ پر ملزمان نے پولیس پارٹی کو دیکھتے ہی فائرنگ شروع کردی اور فائرنگ کے تبادلے میں ایک ڈاکو اپنے ہی ساتھی کی فائرنگ سے زخمی جبکہ ساتھی فرار ہونے میں کامیاب ہو گیا ہے۔ پولیس کا کہنا ہے کہ حراست میں لیے گئے ڈاکو کی شناخت احمد کے نام سے ہوئی ہے جبکہ ملزم سے گن پوائنٹ پر چھینے گئے 7 موبائل فون برآمدکر کے مقدمہ درج کر لیا گیا ہے۔
ڈاکو گرفتار