قصور (نمائندہ نوائے وقت رپورٹ) فیروزپور روڈ مدینہ سٹیل ملز کے قریب کوسٹر اور ٹرک میں تصادم ہو گیا۔ حادثہ میں دو افراد جاں بحق ہوگئے۔ سات سالہ بچی اور تین خواتین سمیت دس افراد زخمی ہو گئے۔ مدینہ سٹیل ملز کے قریب ایک تیز رفتار ٹرک غلط یوٹرن لیتے ہوئے مسافر کوسٹر سے ٹکرا گیا جس کے نتیجہ میں جواں سالہ وسیم اور نعیم زخموں کی تاب نہ لاتے ہوئے موقع پر ہی جاں بحق ہو گئے جبکہ سات سالہ بچی ام حبیبہ‘ ستر سالہ غلام فاطمہ بی بی‘ تیس سالہ شکیلہ بی بی اور اللہ وسایا سمیت دس افراد زخمی ہو گئے جن کو ریسکیو 1122 کی امدادی ٹیم نے علاج کیلئے ڈسٹرکٹ ہسپتال قصور منتقل کر دیا ہے۔
کوسٹر ٹرک تصادم