فیصل آباد: حادثات میں کمسن بچہ جاں بحق‘ 2 افراد زخمی
فیصل آباد (نمائندہ خصوصی) ٹریفک اور دیگر حادثات میں کمسن بچہ جاں بحق اور دو افراد زخمی ہو گئے۔ جمیل آباد میں پانی والی ٹریکٹر ٹینکی الٹ گئی جس کے نیچے آ کر سات سالہ ابراہیم ولد ذوالفقار موقع پر جاں بحق ہو گیا۔ ریسکیو ٹیم نے موقع پر پہنچ کر طبی معائنے کے بعد لاش کو ورثا کے حوالے کر دیا۔ جڑانوالہ کے علاقہ چک 281 گ ب جسوآنہ کے قریب تیز ہوا چلنے کی وجہ سے چھت کا پردہ گر گیا جس کے نتیجے میں نیچے بیٹھے ہوئے محمد یوسف ولد بگا 60 سال اور منیر حسین والد شہادت علی 60 سال زخمی ہو گئے۔ ریسکیو ٹیم نے موقع پر پہنچ کر دونوں زخمی افراد کو طبی امداد فراہم کی۔
