لاہور(سپورٹس رپورٹر)پاکستان نے عالمی رینکنگ میں ایک درجہ اور بہتری حاصل کرلی، پاکستان انٹرنیشنل رینکنگ میں 15ویں پوزیشن پر آگیا۔ انٹرنیشنل ہاکی فیڈریشن کی جانب سے نئی رینکنگ جاری کردی گئی۔ 2018 سے 2022 ء تک چار سالہ عرصہ کے دوران پاکستان ہاکی ٹیم 18/17ویں پوزیشن کے درجہ پر رینک کی جاتی رہی تاہم گذشتہ ایک سال اگست 2022 تا اگست 2023 ء میں پاکستان ہاکی نے انٹرنیشنل ایونٹس میں کارکردگی کے ذریعہ درجہ بہ درجہ ترقی کرتے ہوئے اپنی انٹرنیشنل رینکنگ بہتر بنائی۔